Arbeidet med revidert NTP 2025-2036

Fjordvegen Riksveg 13 har engasjert seg i fleire store vegprosjekt, og bidratt til auka framdrift og politisk gjennomslag for rassikring og standardheving.

For å kunna fremja prosjekta og rassikring generelt inn i revidert NTP, må ein samarbeida tett og ha engasjerte medlemmer som ser på ytinga frå Fjordvegen Riksveg 13 som eit tillegg til sitt eige arbeid. Samarbeide med Nasjonal rassikringsgruppe, NAF sine lokalavdelingar og andre vegutviklingsorgan, er i tillegg viktig for å vera synlege og ha gjennomslag.

Vikafjellet, Lovreidet – Erfjord og Rødsliane, Brattlandsdalen, Ylvisaker, Ryfast er døme på strekningar og prosjekt som Fjordvegen Riksveg 13 har engasjert seg i.
Frå Nye veier as si overtaking av ansvaret for utvikling av nordre del av rv 13 Skare – Sogndal, har det blitt viktig med informasjon og dialog med Nye veier sin administrasjon tilsvarande den etablerte kontakten med Statens Vegvesen.

Oppfølging av NTP 2022 - 2033. Aktiv handling for skredsikring og standardheving frå Fjordvegen Rute 13

Oppfølging av NTP 2022 – 2033. Aktiv handling for skredsikring og standardheving frå Fjordvegen Rute 13

Styret i Fjordvegen Rute 13 har sett ressurane inn på oppfølging av Nasjonal Transportplan med særleg fokus på tildelinga av strekket Skare – Sogndal til Nye veier AS. Etter NTP-vedtaket sette Fjordvegen Rute 13 straks igang dialogen med Nye veier AS og arrangerte synfaring saman med desse midt i september. Dialog har me og med Statens vegvesen som enno har ansvaret for å fullføra prosjekt i nord og framleis heile ansvaret for riksveg 13 frå Skare til Stavanger.
Nasjonal Rassikringsgruppe er og sentral, samt med nyvalde Stortingspolitikarar.
Fjordvegen Rute 13 har følgt opp rassikringsbehovet i søre del av riksveg 13 som ligg under Statens vegvesen, og bidratt i den positive prosessen som starta lokalt etter eit stort ras nær Rødsliane i Suldal.
Avveging av risiko for ras og låg standard sett i høve samfunnsøkonomi og ÅDT er eit kjernepunkt i prioriteringane. Det er grunn til å spørje om vektlegginga av bruk av Samfunnsøkonomisk nytte som einaste hovudkriterium. Liv og helse og framkomst må kunne prioriterast høgare.

Les heile saka ￫
Ryfast - effekten av ein samferdselsrevolusjon i sør

Ryfast – effekten av ein samferdselsrevolusjon i sør

Effekten av Riksveg 13 Ryfast, særleg Ryfylketunnelen er interessant å sjå på etter eitt heilt driftsår. Trafikken er over alle prognosar frå Statens Vegvesen. Dette har konsekvensar for riksveg 13 nordover.
Ryfast er eit nytt stort vegsamband med fleire tunnelar mellom ny E39 i Stavanger kommune og Rv 13 i Strand kommune. Den lengste tunnelen, Ryfylketunnelen var ved opninga 31.12.2019 verdas lengste biltunnel under havet.

Les heile saka ￫
Brattlandsdalen og NTP

Brattlandsdalen og NTP

Rassikring i Brattlandsdalen mellom Nesflaten og Røldal kom ikkje inn i Stortingsvedtaket i juni 2017 for revidert Nasjonal transportplan trass i intensiv lokal og regional innsats.

Les heile saka ￫
Årdalstunnelen

Årdalstunnelen

Rassikring av riksveg 13 forbi den store og rasfarlege ura på Øygjaneset i austenden av Søre Tysdalsvatnet i Hjelmeland, var utgangspunktet for Statens vegvesen sitt planarbeid for tunnel frå Svotunnelen til Årdal.

Les heile saka ￫
MENY