Næringsliv og reiseliv
Næringslivet i Fjordveg-regionen er rikt og variert, og vegen gjev både moglegheiter og utfordringar. Framoverlente bedriftsleiarar jobbar for utbetringar i vegnettet, og er offensive med tanke på nye marknader som opnar seg. Mange næringsforeningar og enkeltbedrifter er medlem i Fjordvegen Riksveg 13 for påverka for betre riksveg 13.
Flesefossen rasteplass i Brattlandsdalen i Suldal, Nasjonal turistveg Ryfylke. Foto: Frid-Jorunn Stabell, Statens vegvesen
Reiselivet i Fjordvegregionen har historie langt tilbake og er tufta på internasjonal interesse for fjordane som reisemål, kjente kulturhistoriske attraksjonar og dyktige bedrifter i området. Nasjonale turistveger har og løfta produktet for vegfarande gjester opp basert på ny og moderne arkitektonisk utforma stoppunkt og rasteplassar langs både Nasjonal turistveg Ryfylke og tilsvarande i Hardanger.
